3-02-2015, 13:37 “ივერიონი”

2014 წლის 29 დეკემბერს საქართველოს პარლამენტში საქართველოს მთავრობის ინიციატივით შეტანილ იქნა კანონპროექტი „სასოფლო-სამეურნეო დანიშნულების მიწის საკუთრების შესახებ“ საქართველოს კანონში ცვლილების შეტანის თაობაზე“ (http://www.parliament.ge/ge/law/7964/16269), რომლის ავტორები განმარტებითი ბარათის მიხედვით  არიან საქართველოს იუსტიციისა  და საქართველოს ეკონომიკისა და მდგრადი განვითარების სამინისტრო.

იქვე განმარტებით  ბარათში ვკითხულობთ, რომ კანონპროექტი „შემუშავებულია საქართველოს მთავრობის 2013 წლის 2 ოქტომბრის №253 დადგენილებით შექმნილი საქართველოში მიწის მართვის განვითარების სამართლებრივი უზრუნველყოფის უწყებათაშორისი საკოორდინაციო საბჭოს ფარგლებში“.  ვრცლად »

„სახალხო პარტია“ დადებითად აფასებს ბ-ნი ბიძინა ივანიშვილის პოზიციას ე.წ. „არასამთავრობოების“ საქმიანობის შესწავლის საკითხთან დაკავშირებით, რომელიც მან გამოთქვა 28 იანვრის სატელევიზიო ინტერვიუს დროს. სამოქალაქო საზოგადოების იმიჯს ამოფარებული გარკვეული ჯგუფები და პიროვნებები სხვადასხვა სახელისუფლებო ძალებისა და ხშირ შემთხვევაში საეჭვო წარმოშობის ფინანსების მეშვეობით დროთა განმავლობაში (მინიმუმ 15 წლიან პერიოდში) ჩამოყალიბდნენ სამოქალაქო და მედია სივრცეში მონოპოლისტ კასტად. ამა თუ იმ პოლიტიკური პარტიის იდეოლოგიური ორიენტაციის ლობირებისა და საზოგადოებრივი მხარდაჭერის უზრუნველმყოფ ჯგუფებად.ეს ჯგუფები იქცნენ ე.წ. “შულავერის კომიტეტის” მსგავს წარმონაქმნებად, რომლებიც, თავისთავად არ წარმოადგენენ რამეს, მაგრამ თუ გავითვალიწინებთ მათი “პატრონების” მიზნებსა და შესაძლებლობებს, შეუძლიათ შეასრულონ (დღემდე ასრულებენ) ქართული სახელმწიფოებრიობისა და ჩვენი ფასეულობების წინააღმდეგ მნიშვნელოვანი ქმედებები.ყოველივე ეს საფრთხეს უქმნის ქვეყნის საზოგადოებრივ-პოლიტიკური ცხოვრების მდგრადობას, სამოქალაქო ცხოვრების ჯანსაღ განვითარებას და კონკურენტიანი გარემოს ჩამოყალიბებას.შესასწავლი და გასაანალიზებელია ზოგადად ამ სეგმენტში შემოსული გრანტების რაოდენობა, მათი რეალური წარმომავლობა, მიზანმიმართულობა, ეფექტურობა და ამ ყოველივეს მიმართება ქვეყნის უსაფრთხოებასთან. ეს არის საკითხები რომელთა უცილობელ გამოკვლევას და გასაჯაროებას წლების განმავლობაში ითხოვს „სახალხო პარტია“ ხელისუფლებისაგან.„სახალხო პარტია“ იმედს იტოვებს, რომ ახლა მაინც დაიწყება ამ ტაბუდადებული საკითხის დეტალური შესწავლა და შეფასება. აგრეთვე, მსჯელობის საგანი გახდება რეალური სამოქალაქო სექტორის, სამოქალაქო აქტივისტების საქმიანობის ღია და ჯანსაღი გარემოს შექმნის მექანიზმები და გარანტიები.„სახალხო პარტია“ მზაობას გამოთქვამს მონაწილეობა მიიღოს ამ საშურ საქმეში.

29.01.2015

ინტერვიუ პროფესორ მიხეილ ჯიბუტთან

ბატონო მიხეილ, ახალი საკანონმდებლო ინიციატივა შემოვიდა – დაუმუშავებელ მიწებზე სანქციების დაწესების თაობაზე, როგორ შეაფასებდით ამ ინიციატივას?

“დავიწყოთ იქიდან, რომ თავად სასჯელებით საქმის გაკეთების პრინციპი ამორალურია მაშინ, როცა ქვეყანაში გარდამავალი ეტაპი არ დასრულებულა. ეს საკითხი ყოვლად გაუმართლებელია, რადგან თავად მიწის რეფორმა დაუმთავრებელია და არ არსებობს კოდექსი, სრულფასოვანი კანონმდებლობა ქვეყანაში.   სანქციების შემოღებას თუ ხელშეკრულებითი ხასიათი არ აქვს, შეიძლება ვიფიქროთ, რომ გაუკუღმართებულ მიზნებს შეიცავს.  როდესაც ხელშეკრულება იდება, მაშინ შეიძლება რომ ამა თუ იმ პირს, არ შესრულების შემთხვევაში, პირგასამტეხლო, ანუ ჯარიმა დაეკისროს. ვრცლად »

2015-01-19 “თბილისელები” 
ნინო წულუკიძე 

საცხოვრებელი ადგილი – თბილისი.

პროფესია – ინჟინერ-მშენებელი (ჰიდროტექნიკოსი).

მთავარი პროფესია – პოლიტიკა.

ოჯახი: ჰყავს მეუღლე და ოთხი შვილი.

მამუკა გიორგაძე: საქართველო და ქართველები ვართ კაცობრიობის ერთ-ერთი შემადგენელი ნაწილი. განსაკუთრებულობა არ ნიშნავს ვინმეზე კარგი იყო ან ცუდი. საქართველო არის ტერიტორია, რომელიც უფალმა ქართველებს მოგვცა და პირველყოფილობიდან დღემდე მივიყვანეთ. შევქმენით კულტურა, რომელიც შეესაბამებოდა ჩვენს ცივილიზაციას; გვაქვს სპეციფიკური, ჩვენთვის დამახასიათებელი უნარ-ჩვევები, ტრადიციები და შეხედულებები, რომლებითაც ვავსებთ სამყაროს მთლიანობას. მრავალ ათას ერს შორის ჩვენ ვართ ერთ-ერთი ის ერი, რომელმაც შექმნა სახელმწიფო და ასეთი ბევრი არ არის – გაეროს მონაცემებით, სულ რაღაც ორასის ფარგლებშია და მათ შორის ვართ ჩვენ, როგორც სახელმწიფოს შემქმნელი ერი. მსოფლიოში სულ თოთხმეტი ანბანია და ამ თოთხმეტს შორის ერთი ქართულიც გახლავთ. მსოფლიო ცივილიზაციის საგანძურში შევიტანეთ კულტურის სერიოზული ძეგლები… ზოგადად, ერი არ იზომება იმით, თუ რა სიდიდის ტერიტორია უკავია მას ან რამხელა ჯარის გამოყვანა შეუძლია ბრძოლისას; არც რიცხობრივი რაოდენობაა მნიშვნელოვანი. ერის სიდიდე იზომება თავისი შენატანებით მსოფლიო ცივილიზაციაში და ამ მხრივ საამაყო ნამდვილად გვაქვს. მეტსაც გეტყვით, კოსმოსშიც არსებობს „ქართული ნაკვალევი“ – „ჩაკრულოა“ კოსმოსში გაგზავნილი. ყველაფერ ამისგან გამომდინარე, შეგვიძლია ვთქვათ, რომ კონკურენტუნარიანი და კაცობრიობისთვის საჭირო ერი ვართ – კაცობრიობას უკვე მივეცით ბევრი რამ და, ცოტა ფეხზე რომ დავდგებით, კიდევ უფრო საინტერესო გავხდებით მისთვის – ამისი იმედი მაქვს.

– რაში ვჭირდებით კაცობრიობას და რით შეიძლება ვიყოთ მისთვის საინტერესო? ვრცლად »

თბილისელები #13 2006, 27 მარტი _ 2 აპრილი

ეროვნულმა მოძრაობამ არაერთი ადამიანის პორტრეტი ჩამოაყალიბა. მარიკა ბაღდავაძეც ერთ-ერთი მათგანია. პროკლამაციებს ღამით აკრავდა, რადგან თავისუფლება სწყუროდა. ციხეზე წარმოდგენაც არ ჰქონდა, თუმცა იქ საკუთარი სურვილით წავიდა, რადგან ცხოვრება გამოცდა იყო, ბრძოლა კი _ არჩევანი და კიდევ ტიციანი… ყველაზე მწარედ მაინც 9 აპრილი ახსოვს, რადგან ფეხმძიმედ იყო და მოწამვლის შემდეგ ბავშვი დაიღუპა. ორი წლის შვილიც მოეწამლა, ხოლო დეიდა, ზაირა კიკვიძე, დაეღუპა. სახალხო დამცველმა სოზარ სუბარმა კი მისი ღვაწლი ხუთას დოლარად შეაფასა და სამსახურიც დაატოვებინა. ოთხი შვილის დედა, მარიკა ბაღდავაძე, დღეს ლოგინს არის მიჯაჭვული. ციხეში გატარებულ ახალგაზრდობის წლებზე გული სწყდება, რადგა ყველასგან დავიწყებულად გრძნობს თავს. თუმცა ამბობს, რომ წარსულში არაფერს შეცვლიდა. იმის შესახებ, თუ როგორ ცხოვრობდა ციხის მკაცრ რეალობაში, სადაც ძილის უფლებაც კი არ ჰქონდა და სადაც ყოველი დღე ტყუპებივით ჰგავდა ერთმანეთს, ქალბატონ მარიკას გავესაუბრეთ.

_ ქალბატონო მარიკა, თქვენი პატიმრობა ეროვნულ მოძრაობას უკავშირდება. გაიხსენეთ, როგორ ჩაებით ამ პროცესებში და, საერთოდ, როგორ დაიწყო ეს ყველაფერი? ვრცლად »

ახალი თაობა 2014, 2 _ 3 აგვისტო, #181 /გულიკო ბალაძე/

სააკაშვილის წინააღმდეგ სისხლის სამართლის საქმე აღიძრა, მაგრამ სამართლიანობის აღდგენის მომხრე საზოგადოების ნაწილი მაინც უკმაყოფილოა. მიაჩნიათ, რომ სააკაშვილის წინააღმდეგ უფრო ადრე უნდა აღძრულიყო სისხლის სამართლის საქმე, ზოგი ამბობს, ადრე რომ აღძრულიყო სააკაშვილის წინააღმდეგ საქმე, შესაძლებელია, ასოცირების ხელშეკრულებაზე ხელმოწერაში ქვეყანას ხელი შეშლოდა. ზოგს იმედი აქვს, სააკაშვილს დააპატიმრებენ და ის ისეთ რამეებს მოჰყვება, რაც ახლა ვიცით, უმნიშვნელოდ მოგვეჩვენება. ასეა თუ ისე, ხელისუფლებამ გარისკა და ქვეყნის ყოფილი პირველი პირი, რომელსაც თავი ყოვლისშემძლე ეგონა, პასუხისგებაში მისცა.

პარტიას `სახალხოს~ ლიდერი მამუკა გიორგაძე კი აცხადებს, რომ სააკაშვილის წინააღმდეგ სისხლის სამართლის საქმის აღძვრა, საკმარისი არ არის, უნდა მოხდეს რეჟიმის შეფასება.
_ ბატონო მამუკა, თუ ხედავთ კავშირს ბოლო დროის მოვლენებს, ასოცირების ხელშეკრულებაზე ხელმოწერას, ადგილობრივი თვითთმმართველობის არჩევნების ჩატარებას, სამთავრობო ცვლილებებსა და, ბოლოს, სააკაშვილის წინააღმდეგ სისხლის სამართლებრივი დევნის დაწყებას შორის? ვრცლად »

-”რამოდენიმე დღეა, საინფორმაციო საშუალებებით ვრცელდება ინფორმაცია, ერთის მხრივ, “ნაციონალური მოძრაობის” და მასთან ასოცირებული სხვა პარტიების თუ არასამთავრობო ორგანიზაციებისა   და,   მეორეს მხრივ, “თავისუფალ დემოკრატების” შეხვედრებისა  და კონსულტაციების შესახებ. ასევე, დროში დაემთხვა პრეზიდენტ მარგველაშვილთან იგივე პოლიტიკური სუბიექტების შეხვედრები და კონსულტაციები. განსახილველი საკითხი საყდრისის აფეთქების ვანდალური ფაქტის შეფასებაა.

მიმდინარე პოლიტიკურ პროცესებში გაუცნობიერებელმა ადამიანმა, შეიძლება, საქმის კეთების სურვილად ჩაუთვალოს აღნიშნულ პერსონებს ეს აქტიურობა და აღფრთოვანდნენ კიდეც “ქვეყნის ინტერესების დაცვაში” გამოვლენილი  ასეთი თავგამოდებისთვის, მით უმეტეს, რომ პრეზიდენტმა დაგვიანებით, მაგრამ მაინც მკაცრად უარყოფითი შეფასება მისცა ამ ფაქტს.    თუმცა გამოთქმა – ფიცი მწამს, ბოლო მაკვირვებს, – ისევ მართლდება.  ვრცლად »

“სახალხო პარტია” სპეციალურ განცხადებას აქვეყნებს, რომელსაც უცვლელად გთავაზობთ.

-”პრეზიდენტადწოდებულმა მარგველაშვილმა გამოთქვა მზაობა რუსეთთან ურთიერთობისა და საქართველოს ტერიტორიული მთლიანობის აღდგენის საკითხის  განსახილველად პოლიტიკურ სპექტრთან, მათ შორის,  არასაპარლამენტო ოპოზიციასთან შესახვედრად.

,,სახალხო პარტიამ” წერილობით მიმართა, რომ ასეთის შესაძლებლობის შემთხვევაში წარუდგენდა პარტიის მრავალი წლის განმავლობაში ჩამოყალიბებულ მოსაზრებებს აღნიშნულ საკითხზე, რომელთა ნაწილი პარლამენტის მიერ მიღებულ დადგენილებებშიც აისახა, მაგრამ მისი რეალიზება არ განხორციელდა (ამიტომაც აღვმოჩნდით ამ მდგომარეობაში ).

მარგველაშვილმა მასთან შეხვედრაზე მიიწვია მხოლოდ ის პოლიტიკური ორგანიზაციები, რომლებიც დაშვებულია  ”შუაგაკრეფილ”  სქემაში (“ნაცმოძრაობა” კი განსაკუთრებული პატივით”). ვრცლად »

“სახალხო პარტია” სამძიმარს უცხადებს უკრაინის თავისუფლებისა და ტერიტორიული მთლიანობისთვის დაღუპული ქართველი მეომრის ოჯახს და კიდევ ერთხელ უდასტურებს თავის თანადგომას დამოუკიდებლობის, თავისუფლებისა და ტერიტორიული მთლიანობისთვის  მებრძოლ ყველა ერს და ადამიანს. პარტია განცხადებას ავრცელებს:

-”ქართველმა ხალხმა იცის ამ ღირებულებების ფასი და მათი დაცვისთვის დაღუპულ ადამიანთა პატივისცემა. 2008 წლის რუსეთ-საქართველოს ომის შემდეგ სახეზე გვაქვს მოცემულობა _ ზავით შენიღბული კაპიტულაცია, რომელიც გამარჯვებად შემოგვასაღეს; ანექსიის ლეგალიზება;  დაღუპული ქართველი მეომრები და მშვიდობიანი მოსახლეობა, დაცლილი ათობით სოფელი; რუსეთისთვის დატოვებული მილიარდობით ლარის ღირებულების შეიარაღება და ტექნიკა და დასჯილი სამხედრო მოსამსახურეები, რომლებმაც რუსებისთვის გადასაცემი შეიარაღებისა და ტექნიკის ნაწილი ტყეებში გადამალეს; კონტრიბუციის სახით დათმობილი  დღემდე გასაიდუმლოებული კაბალური მემორანდუმი ენგურჰესის თაობაზე, რუსული კაპიტალისათვის თელასისა და სხვა ენერგოობიექტების, თბილისის წყლის, კაზრეთის ოქროს,  სხვა სტრატეგიული ობიექტები.  ვრცლად »