1554845826-მამუკა-გიორგაძე

მამუკა გიორგაძე – 9 აპრილის შემდეგ ჩვენ არ წავსულვართ სახელმწიფო ინსტიტუტების მშენებლობის გზით და ამიტომ ვართ ამ მდგომარეობაში

9 აპრილს დაღუპული ადამიანები მებრძოლები, მეომრები იყვნენ და როცა მათ მსხვერპლს ვუწოდებთ, ამით შეურაცხყოფას ვაყენებთ, – ამის შესახებ ორი მოწვევის პარლამენტის თავმჯდომარემ, მამუკა გიორგაძემ საქართველოს პირველი არხის გადაცემაში „თავისუფალი ხედვა“ განაცხადა.

„ჩვენთვის ეს არის მარაბდა, ხრესილი, დიდგორი… ჩვენ არ ვსაუბრობთ ბიძინა, შალვა და ელიზბარზე, როგორც მსხვერპლზე; ქეთევან დედოფლის წამებას ერთმანეთს ვულოვავთ, ქეთევანობასგილოცავთო, ამ დღეს რომ ვამბობთ; წმინდა გიორგის წამებას ვულოცავთ ერთმანეთს, მივდივართ და ვქეიფობთ. აქ არ არის მსხვერპლი. 9 აპრილს დაღუპული ხალხი მებრძოლები იყვნენ, მეომრები და როცა მათ მსხვერპლს ვუწოდებთ, ამით შეურაცხყოფას ვაყენებთ. თითოეულ მათგანს ეს გაცნობიერებულად ჰქონდა გადაწყვეტილი“, – განაცხადა გიორგაძემ. ვრცლად »

SONY DSC

კიდევ ერთხელ, აფხაზეთისათვის ელექტრონერგიის მიწოდების შესახებ

,,სახალხო პარტიამ“ 25 წლის განმავლობაში არაერთხელ მოუწოდა ხელისუფლებას, გაესაჯაროებინა გასაიდუმლოებული კაბალური შეთანხმება აფხაზეთის ელქტრომომარაგების შესახებ და შეეცვალა არსებული დანაშაულებრივი პრაქტიკა, რომელიც, ფაქტობრივად, ომში დამარცხებულის ხარკს წარმოადგენს. ვრცლად »

germanuli_modeli_

აფხაზეთის ეკლესიის ავტოკეფალიას არ დათანხმდება არც ერთი ეკლესია, თუ ჩვენი ხელისუფლება თვითონვე არ შეუშლის ხელს საქართველოს ეკლესიას ქართული ინტერესების დაცვაში.

უკრაინის ეკლესიისთვის ავტოკეფალიის მინიჭებამ აფხაზებსაც ფრთები შეასხა. ამ მიზნით აფხაზური დაპირისპირებული ბანაკები ახალი ათონის მონასტერში შეხვდნენ ერთმანეთს და ე.წ. აფხაზური ეკლესიის ავტოკეფალიის მისაღწევად ბრძოლა დაისახეს მიზნად.

საუბარია „აფხაზეთის წმინდა მიტროპოლიაზე“, რომელსაც დოროთეი  დბარი ხელმძღვანელობს და „სოხუმ-ბიჭვინთის ეპარქიაზე“, ბესარიონ აპლიას მეთაურობით. მათ ერთობლივი კომისიის ჩამოყალიბებაზე იმსჯელეს, რამაც ავტოკეფალიის მისაღწევად უნდა იმუშაოს.

აღსანიშნავია, რომ აფხაზები ავტოკეფალიის, ან ავტონომიის მინიჭებას კონსტანტინოპოლისგან ადრეც ითხოვდნენ, მაგრამ მათ მცდელობას შედეგი არ მოჰყოლია.

დღეს რა პერსპექტივა აქვს აფხაზების ჩანაფიქრს ავტოკეფალიის მინიჭების თაობაზე?! ვრცლად »

bagrationi

მამუკა გიორგაძე – „რა გამოდის? – დედა ეუბნება შვილს: მამაშენი თაღლითია, მამა ეუბნება – დედაშენის შთამომავლობა საეჭვოა”

ვინ შეიძლება იწოდებოდეს ბაგრატიონთა სახლის უფროსად და ვინ არის ნამდვილი ბაგრატიონი? ამ საკითხმა არა მარტო ქართველ ხალხს გაუჩინა კითხვები, არამედ მოსვენება დაუკარგა ბაგრატიონებსაც. ისტორიკოსთა ნაწილი ნამდვილ ბაგრატიონებად იმერელ ბაგრატიონებს მოიაზრებს, მაგრამ, რადგან პატრიარქის ძალისხმევით ბაგრატიონ-გრუზინსკები ბაგრატიონ-მუხრანელებს დაუნათესავდნენ, წინა პლანზე სწორედ ამ ისტორიულმა ქორწინებამ წამოიწია. დღეს მამა-შვილი ნუგზარ და ანა ბაგრატიონ-გრუზინსკები დავით ბაგრატიონს სამეფო ორდენით ვაჭრობაში ადანაშაულებენ, დავით ბაგრატიონის ადვოკატი კი ამტკიცებს, რომ ნუგზარ ბაგრატიონი, სინამდვილეში, გვარად სიხარულიძეა და არა ბაგრატიონი, რაც თურმე საპატრიარქოს მიერ ჩატარებულმა დნმ-ანალიზმაც ვრცლად »

mamuk

ჩამოვყალიბდეთ – საბჭოთა პროდუქტი ვართ თუ ისტორიულ მემკვიდრეობას ვეყრდნობით

დღეს საქართველო კვლავ დგას დამღუპველი  მოცემულობის წინაშე: – ქვეყანაში არსებული მონოპოლიზირებული პოლიტიკური სივრცე  და მისი უზრუნველყოფა მძაფრი (მონაწილეთათვის დრამატული) ხელოვნური პოლიტიკური სპექტაკლებითა და ფსევდობრძოლის  იმიტაცია „შუას გაკრეფის“ ფილოსოფიის თეორიულ ბაზისზე დაყრდნობით.   ჩვენს მიერ,  დამოუკიდებლობის მიღწევის შემდეგ უკვე არაერთხელ დამდგარა დღის წესრიგში,  სახელმწიფოსთვის ამ საშიში სივრცის ჯანსაღი  და კონკურენტული გარემოთი  შეცვლის აუცილებლობა. ვრცლად »

SONY DSC

ეკლესიის წინააღმდეგ ბრძოლა ტრაგი-კომიკური სპექტაკლის საფარქვეშ

      გრძელდება საქართველოს სამოციქულო ეკლესიის წინააღმდეგ მიმართული აღვირახსნილი კამპანია, რომლის მიზანია საქართველოს საპატრიარქოს დისკრედიტაცია, სამღვდელოებასა და მრევლს შორის ბზარის გაჩენა, საზოგადოებისა და ეკლესიის დაპირისპირება. რაც დრო გადის კიდევ უფრო ხშირდება ტყუილი, ლანძღვა, ბეზღობა, შანტაჟის მცდელობები. სიტუაცია გამოდის რეალისტური ჩარჩოებიდან და სულ უფრო ემსგავსება ერთიანი ანტისახელმწიფოებრივი  სპეც- ოპერაციის მრავალმოქმედებიან აბსურდის თეატრს, სადაც, ბოლო პერიოდში, „უკრაინის ავტოკეფალიის სასწრაფო და უპირობო აღიარების“ უნიჭო და უაზრო პერფომანსი  „ციანიდის საქმის“ ახალმა აქტმა ვრცლად »

SONY DSC

გათითოკაცებული ინდივიდების სიმრავლიდან ერთიანი კრებულისკენ

დამოუკიდებელი, თავისუფალი, თვითკმარი და თვითმართვადი სამოქალაქო სივრცე ქვეყნის საზოგადოებრივ-პოლიტიკური ცხოვრების მდგრადი განვითარებისა და კონკრეტული პიროვნების უსაფრთხოებისა და კეთილდღეობის გარანტი და საფუძველია. სწორედ ამ სივრცის სულისკვეთება  განსაზღვრავს სახელმწიფოს რაობას. ერისა და სახელმწიფოს აწმყო და მომავალი, საგარეო ფაქტორებთან ერთად, მის შინაგან სტრუქტურაზეა დამოკიდებული.

ეს გარემოება კარგად არის ცნობილი საქართველოს ეკლესიისთვის, ვინაიდან იგი მუდამ იყო არა მარტო რელიგიურაღმსარებლობითი მიმართულების ინსტიტუტი, არამედ ქართული სამოქალაქო საზოგადოების ფორმირების მაორგანიზებელი და სულიერ-ზნეობრივი მასტიმულირებელი. ვრცლად »

besarion

XX ს. ქრიატიან-დემოკრატიული და სოციალ-დემოკრატიული მოძრაობების განმსაზღვრელი პირობები

XX-ე საუკუნეში პროტესტანტული აღმსარებლობის ევროპულ ქვეყნებში, კარლ მარქსის ნაშრომების გავლენით მსოფლიოში გავრცელდა სოციალიზმის იდეები. ძმობა-მეგობრობის იდეოლოგია ითვალისწინებდა სოციალური თანასწორობის პრინციპებზე დამყარებული საზოგადოების მშენებლობას, სრულ სახალხო მმართველობას, სადაც მინიმუმამდეა დაყვანილი ეკონომიკური დიფერენციაცია, გარანტირებულია ადამიანის უფლებები და თავისუფლება.

ევროპელმა სოციალ-დემოკრატიულმა პარტიებმა უარის თქვეს რევოლუციურ სოციალიზმსა და კლასთა ბრძოლის იდეებზე და დაიკავეს უფრო ზომიერი პოზიცია, რაც ითვალისწინებდა სოციალიზმის დამყარებას პოლიტიკური რეფორმების მეშვეობით. ვრცლად »

germanuli_modeli_

რა პრობლემები უჩნდება საქართველოს ეკლესიას უკრაინის ტომოსის აღიარებით

უკრაინის ეკლესიამ, როგორც იქნა, მიიღო ტომოსი მსოფლიო პატრიარქისგან, რითაც ავტოკეფალია მიენიჭა, თუმცა ტომოსის ტექსტი საკმაოდ საინტერესოა, რადგან, ჯერ ერთი, უკრაინის ეკლესიამ უარი თქვა უკრაინის საზღვრებს გარეთ არსებულ ეპარქიებზე (უკრაინის ავტოკეფალურად წოდებული ეკლესია, რომელიც გასული საუკუნის 20-ან წლებში შეიქმნა, საბჭოთა დროს დევნილობას ემსხვერპლა და უცხოეთში მოქმედებდა) და ფაქტობრივად, უკრაინის ეკლესიისთვის უპირველესი სასულიერო იერარქი მსოფლიო პატრიარქია. ცხადია, უკრაინელების გადასაწყვეტია, რას დათანხმდებოდნენ, თუმცა ჩვენთან ისევ არ წყდება პოლარიზაცია: ერთნი ამბობენ, რომ ქართულმა ეკლესიამ ახლავე და უპირობოდ უნდა დაუჭიროს მხარი უკრაინის ავტოკეფალიას, მეორენი კი განგაშის ზარებს არისხებენ, რომ, როგორც კი ვაღიარებთ, მოსკოვის საპატრიარქოც მაშინვე აღიარებს აფხაზეთისა და ცხინვალის ეპარქიებს. მამუკა გიორგაძესთან ერთად ვიმსჯელებთ მოსალოდნელ საფრთხეებსა და მართლმადიდებელ სამყაროში შექმნილ ახლებურ რეალობაზე.
მამუკა გიორგაძე: უპირველესად უნდა აღვნიშნოთ, რომ უკრაინის ეკლესიის ავტოკეფალიის თემა ორ ერთმანეთთან დაკავშირებულ, მაგრამ მაინც დამოუკიდებელ პროცესს მოიცავს. ერთია უშუალოდ უკრაინის ავტოკეფალიის თემა და მისი პოლიტიკური და რელიგიური შემადგენელი და ჩვენ, რა თქმა უნდა, შეგვიძლია, ვიმსჯელოთ, რა მოჰყვება ამას უკრაინისთვის და მეორე თემაა, აი, ამ ტომოსის შემდგომ მართლმადიდებელ სამყაროში წარმოქმნილი ახალი გამოწვევები, რომლებიც ჩვენც გვეხება. ვრცლად »

SONY DSC

პაპზე მეტი კათოლიკობა დამღუპველია

დიდი ვნებათაღელვა უკრაინის ეკლესიის ავტოკეფალიაზე მსჯელობისას არ  წყდება. საკითხი უკვე გასცდა წმინდა რელიგიურ ჩარჩოებს და პოლიტიკურ პრიზმაში აღიქმება.

უკრაინის ეკლესიის ავტოკეფალისტურ მოძრაობას სოლიდარობას ვუცხადებდით საბჭოთა ათეისტური სისტემის ზეობის დროს (ზოგიერთმა დღეს გააქტიურებულმა მაშინ ეკლესიისკენ გზაც არ იცოდა, ზოგი სად იყო ღმერთმა უწყის (და ჩვენც!). პირადად მიგვიღია მონაწილეობა აქციებში კიევსა თუ ლვოვში  ამ მოძრაობის ლიდერის მიტროპოლიტ მსტისლავისა (სკრიპნიკი, სხვათა შორის, სიმონ პეტლიურას დის შვილი) და ავტოკეფალური ეკლესიის უფლებების დასაცავად. (ინფორმაციისთვის, მიტროპოლიტი ფილარეტი (დენისენკო) მაშინ რუსეთის საპატრიარქო ტახტისთვის იბრძოდა). ვრცლად »

Powered by WordPress